kis kis ada se zinat-e-kaun-o-makan rahe

kis kis adā se zīnat-e-kaun-o-makāñ rahe

ham gul bane bahār hue bāġhbāñ rahe

is darja dushmanī to muqaddar kī baat hai

varna vo ek umr mere rāz-dāñ rahe

ai dil tamām raat kaTī un kī yaad meñ

ab do ghaḌī to aur koī dāstāñ rahe

maiñ aur ehtiyāt mohabbat kī raah meñ

ye kahiye vo to ḳhud hī mire pāsbāñ rahe

hai us kī ḳhaak meñ mirī umroñ kā rañg-o-bū

merā vatan ilāhī hamesha javāñ rahe

ahal-e-haram vahāñ haiñ yahāñ ahl-e-dair haiñ

ab kis se jā ke pūchhiye insāñ kahāñ rahe

kis kis ada se zinat-e-kaun-o-makan rahe

hum gul bane bahaar hue baghban rahe

is darja dushmani to muqaddar ki baat hai

warna wo ek umr mere raaz-dan rahe

ai dil tamam raat kaTi un ki yaad mein

ab do ghaDi to aur koi dastan rahe

main aur ehtiyat mohabbat ki rah mein

ye kahiye wo to KHud hi mere pasban rahe

hai us ki KHak mein meri umron ka rang-o-bu

mera watan ilahi hamesha jawan rahe

ahal-e-haram wahan hain yahan ahl-e-dair hain

ab kis se ja ke puchhiye insan kahan rahe