Sufinama

ai sanam kah de mujhe ab baat sari saf saf

Kishan Singh Arif

ai sanam kah de mujhe ab baat sari saf saf

Kishan Singh Arif

MORE BYKishan Singh Arif

    ai sanam kah de mujhe ab baat saarī saaf saaf

    jis tarah aave nazar sūrat tumhārī saaf saaf

    jo terī āñkhoñ ke aage aa gayā bismil huā

    mārte ho khīñch kar kaisī kaTārī saaf saaf

    chāhe talvār le kar sar hamārā kaaT le

    lekin ham dil se na deñge ġham-gusārī saaf saaf

    ai but-e-bechūñ hai kis tujh se kah chūn-o-charā

    hai Darātī ye nigāh barchhī tumhārī saaf saaf

    ik terī ulfat se mujh ko hai malāmat chār-sū

    dūsrā furqat se har-dam be-qarārī saaf saaf

    chashm giryāñ sīna-bariyāñ dil-tapāñ aur chehra zard

    roz-o-shab rahtī hai mujh ko āh-o-zārī saaf saaf

    duur kar dil se daġhā aur mujh se mil be-hijāb

    hai terī hijrat se har-dam intizārī saaf saaf

    ham tere haiñ ham-nashīñ aur ham tere hamrāz haiñ

    ham se kar hamdam hamesha ham-kinārī saaf saaf

    ke bas jām-e-mohabbat ho gayā ḳhud mast maiñ

    aa ga.ī āñkhoñ meñ merī bas ḳhumārī saaf saaf

    diiñ diyā aur dil diyā dīgar diyā jān-o-jahāñ

    tujh se haT kar kis se kiije dost-dārī saaf saaf

    duur rahne se hai dukh aur paas rahnā hai muhāl

    chhoḌnī mushkil huī raġhbat pyārī saaf saaf

    'ārifā' vo shāh-e-ḳhūbāñ mujh ko yuuñ kahne lagā

    ḳhud se ḳhālī ho ke kar marzī hamārī saaf saaf

    ai sanam kah de mujhe ab baat sari saf saf

    jis tarah aawe nazar surat tumhaari saf saf

    jo teri aankhon ke aage aa gaya bismil hua

    marte ho khinch kar kaisi kaTari saf saf

    chahe tu talwar le kar sar hamara kaT le

    lekin hum dil se na denge gham-gusari saf saf

    ai but-e-bechun hai kis ki tujh se kah chun-o-chara

    hai Daraati ye nigah barchhi tumhaari saf saf

    ek teri ulfat se mujh ko hai malamat chaar-su

    dusra furqat se har-dam be-qarari saf saf

    chashm giryan sina-bariyan dil-tapan aur chehra zard

    roz-o-shab rahti hai mujh ko aah-o-zari saf saf

    dur kar dil se dagha aur mujh se mil ja be-hijab

    hai teri hijrat se har-dam intizari saf saf

    hum tere hain ham-nashin aur hum tere hamraaz hain

    hum se kar hamdam hamesha ham-kinari saf saf

    pi ke bas jam-e-mohabbat ho gaya KHud mast main

    aa gai aankhon mein meri bas KHumari saf saf

    din diya aur dil diya digar diya jaan-o-jahan

    tujh se haT kar kis se kije dost-dari saf saf

    dur rahne se hai dukh aur pas rahna hai muhaal

    chhoDni mushkil hui raghbat pyari saf saf

    'arifa' wo shah-e-KHuban mujh ko yun kahne laga

    KHud se KHali ho ke kar marzi hamari saf saf

    Source :
    • Book : Diwan-e-Arif (Pg. 54)
    • Author : Kishan Singh Arif
    • Publication : Chashma-e-Noor Press, Amritsar
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now