mera baKHt-e-KHwabida bedar ho

merā baḳht-e-ḳhvābīda bedār ho

terā ḳhvāb meñ mujh ko dīdār ho

jahāñ gar ho dushman hai kyā fikr-o-ġham

agar ġham-gusārī pe ġham-ḳhvār ho

dil-e-muztarib istaqāmat kare

agar paas mere vo dildār ho

maiñ huuñ bechtā dharm-o-īmān-o-dīñ

agar koī aa kar ḳharīdār ho

agar muñh chhupā le vo mahr-e-munīr

numāyāñ jahāñ par shab-e-tār ho

agar ek pal ho judā.ī terī

to sahrā mujhe saarā ghar-bār ho

agar vo pilāve sharāb-e-visāl

to kyā us kā āshiq na mai-ḳhvār ho

barābar haiñ gar paas ho gul-badan

chaman ho ki jañgal che gulzār ho

jo jaa.e to jaa.e koī jāñ-gudāz

jahāñ chār-sū tīr-o-talvār ho

merā dil bhī kyā koī mansūr hai

nahīñ Dar use garche sau vaar ho

gayā qais majnūñ huā dasht meñ

muā kohkan jaañ se bezār ho

chalo ik na.ī baat karke yahāñ

terā jis se azkār har baar ho

jahāñ ho vahāñ jā ke us se milūñ

huā kyā jo qulzum se har paar ho

hakīmoñ se kyā us kī hogī davā

jo ishq aur mohabbat kā bīmār ho

jale yā mare yā kahīñ Duub jaa.e

vo lekin na furqat kā āzār ho

ġhazab hai ki zālim ho yuuñ ḳhanda-zan

idhar chashm-e-mazlūm ḳhūñ-bār ho

hai kyā ḳhauf 'ārif' ko mahshar ke din

vakālat pe jab piir muḳhtār ho

mera baKHt-e-KHwabida bedar ho

tera KHwab mein mujh ko didar ho

jahan gar ho dushman hai kya fikr-o-gham

agar gham-gusari pe gham-KHwar ho

dil-e-muztarib istaqamat kare

agar pas mere wo dildar ho

main hun bechta dharm-o-iman-o-din

agar koi aa kar KHaridar ho

agar munh chhupa le wo mahr-e-munir

numayan jahan par shab-e-tar ho

agar ek pal ho judai teri

to sahra mujhe sara ghar-bar ho

agar wo pilawe sharab-e-visal

to kya us ka aashiq na mai-KHwar ho

barabar hain gar pas ho gul-badan

chaman ho ki jangal che gulzar ho

jo jae to jae koi jaan-gudaz

jahan chaar-su tir-o-talwar ho

mera dil bhi kya koi mansur hai

nahin Dar use garche sau war ho

gaya qais majnun hua dasht mein

mua kohkan jaan se bezar ho

chalo ek nai baat karke yahan

tera jis se azkar har bar ho

jahan ho wahan ja ke us se milun

hua kya jo qulzum se har par ho

hakimon se kya us ki hogi dawa

jo ishq aur mohabbat ka bimar ho

jale ya mare ya kahin Dub jae

wo lekin na furqat ka aazar ho

ghazab hai ki zalim ho yun KHanda-zan

idhar chashm-e-mazlum KHun-bar ho

hai kya KHauf 'arif' ko mahshar ke din

wakalat pe jab pir muKHtar ho