Sufinama

mil gaya hai dil kisi didar se

Kishan Singh 'Arif'

mil gaya hai dil kisi didar se

Kishan Singh 'Arif'

MORE BYKishan Singh 'Arif'

    mil gayā hai dil kisī dīdār se

    ho gayā bezār ab ghar-bār se

    jab se sohbat ho ga.ī mai-ḳhvār se

    tab se ham phirte haiñ bas sarshār se

    bañdh gayā jo zulf ik taar se

    chhuT gayā vo momin aur kuffār se

    dil merā hai misl-e-bulbul na.ara-zan

    misl-e-bū gul-rū gayā gulzār se

    hai vo qātil qatl-e-āshiq par khaḌā

    maar degā ḳhuuñ bharī talvār se

    dard-e-dūrī vasl bin jaatā nahīñ

    maut behtar jaan is āzār se

    kūcha-e-jānāñ meñ jaanā hai muhāl

    ḳhauf hai us sañg-dil ḳhuñḳhār se

    dam liyā iisā ne kar charḳh par

    is tarah bhāgā tere bīmār se

    daulat-e-ishq-e-ḳhudā hāsil ho gar

    kuchh nahīñ achchhā digar is kaar se

    hai ta.ajjub 'ārifā' duniyā ke beach

    bhāgtā hai dil bhale kirdār se

    mil gaya hai dil kisi didar se

    ho gaya bezar ab ghar-bar se

    jab se sohbat ho gai mai-KHwar se

    tab se hum phirte hain bas sarshaar se

    bandh gaya jo zulf ki ek tar se

    chhuT gaya wo momin aur kuffar se

    dil mera hai misl-e-bulbul nara-zan

    misl-e-bu gul-ru gaya gulzar se

    hai wo qatil qatl-e-ashiq par khaDa

    mar dega KHun bhari talwar se

    dard-e-duri wasl bin jata nahin

    maut behtar jaan is aazar se

    kucha-e-jaanan mein jaana hai muhaal

    KHauf hai us sang-dil KHunKHar se

    dam liya isa ne ja kar charKH par

    is tarah bhaga tere bimar se

    daulat-e-ishq-e-KHuda hasil ho gar

    kuchh nahin achchha digar is kar se

    hai tajjub 'arifa' duniya ke beach

    bhagta hai dil bhale kirdar se

    Source :
    • Book : Diwan-e-Arif (Pg. 79)
    • Author : Kishan Singh Arif
    • Publication : Chashma-e-Noor Press, Amritsar
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY