kisi pe jal na Dale KHuda mohabbat ka
kisi pe jal na Dale KHuda mohabbat ka
Shah Turab Ali Qalandar
MORE BYShah Turab Ali Qalandar
kisī pe jaal na Daale ḳhudā mohabbat kā
ki chhūTtā nahīñ jiite phañsā mohabbat kā
kahānī ishq kī kahiye to niiñd uḌ jaa.e
na pūchhe ham se koī mājrā mohabbat kā
mujhe to sab kahīñ mahbūb diikh paḌtā hai
maiñ kis tarah se na huuñ mubtalā mohabbat kā
usī ne dil meñ mire is qadar mohabbat dī
maiñ aap se nahīñ baanī huā mohabbat kā
mujhe to us kī mohabbat ne sab se nafrat dī
koī kisī se na ho āshnā mohabbat kā
maiñ kyā batā.ūñ mohabbat kī kaifiyat kyā hai
koī 'turāb' se pūchhe mazā mohabbat kā
kisi pe jal na Dale KHuda mohabbat ka
ki chhuTta nahin jite phansa mohabbat ka
kahani ishq ki kahiye to nind uD jae
na puchhe hum se koi majra mohabbat ka
mujhe to sab kahin mahbub dikh paDta hai
main kis tarah se na hun mubtala mohabbat ka
usi ne dil mein mere is qadar mohabbat di
main aap se nahin bani hua mohabbat ka
mujhe to us ki mohabbat ne sab se nafrat di
koi kisi se na ho aashna mohabbat ka
main kya bataun mohabbat ki kaifiyat kya hai
koi 'turab' se puchhe maza mohabbat ka
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
