کسی پہ جال نہ ڈالے خدا محبت کا

کسی پہ جال نہ ڈالے خدا محبت کا

کہ چھوٹتا نہیں جیتے پھنسا محبت کا

کہانی عشق کی کہیے تو نیند اڑ جائے

نہ پوچھے ہم سے کوئی ماجرا محبت کا

مجھے تو سب کہیں محبوب دیکھ پڑتا ہے

میں کس طرح سے نہ ہوں مبتلا محبت کا

اسی نے دل میں مرے اس قدر محبت دی

میں آپ سے نہیں بانی ہوا محبت کا

مجھے تو اس کی محبت نے سب سے نفرت دی

کوئی کسی سے نہ ہو آشنا محبت کا

میں کیا بتاؤں محبت کی کیفیت کیا ہے

کوئی ترابؔ سے پوچھے مزا محبت کا