kuchh is tarah se nazar se guzar gayā koī

kuchh is tarah se nazar se guzar gayā koī

ki dil ko ġham kā sazā-vār kar gayā koī

dil-e-sitam-zada ko jaise kuchh huā hī nahīñ

ḳhud apne husn se yuuñ be-ḳhabar gayā koī

vo ek jalva-e-sad-rang ik hujūm-e-bahār

na jaane kaun thā jaane kidhar gayā koī

nazar ki tishna-e-dīdār thī rahī mahrūm

nazar uThā.ī to dil meñ utar gayā koī

nigāh-e-shauq kī mahrūmiyoñ se nā-vāqif

nigāh-e-shauq pe ilzām dhar gayā koī

ab un ke husn meñ husn-e-nazar bhī shāmil hai

kuchh aur merī nazar se sañvar gayā koī

kisī ke paañv kī aahaT ki dil kī dhaḌkan thī

hazār baar uThā sū-e-dar gayā koī

nasīb-e-ahl-e-vafā ye sukūn-e-dil to na thā

zarūr nāla-e-dil be-asar gayā koī

uThā phir aaj mire dil meñ rashk kā tūfāñ

phir un kī raah se bā-chashm-e-tar gayā koī

ye kah ke yaad kareñge 'hafīz' dost mujhe

vafā kī rasm ko pā.inda kar gayā koī

kuchh is tarah se nazar se guzar gayā koī

ki dil ko ġham kā sazā-wār kar gayā koī

dil-e-sitam-zada ko jaise kuchh huā hī nahīñ

ḳhud apne husn se yuñ be-ḳhabar gayā koī

wo ek jalwa-e-sad-rang ek hujūm-e-bahār

na jaane kaun thā jaane kidhar gayā koī

nazar ki tishna-e-dīdār thī rahī mahrūm

nazar uThāī to dil meñ utar gayā koī

nigāh-e-shauq kī mahrūmiyoñ se nā-wāqif

nigāh-e-shauq pe ilzām dhar gayā koī

ab un ke husn meñ husn-e-nazar bhī shāmil hai

kuchh aur merī nazar se sañwar gayā koī

kisī ke pañw kī aahaT ki dil kī dhaḌkan thī

hazār bar uThā sū-e-dar gayā koī

nasīb-e-ahl-e-wafā ye sukūn-e-dil to na thā

zarūr nāla-e-dil be-asar gayā koī

uThā phir aaj mere dil meñ rashk kā tūfāñ

phir un kī rah se bā-chashm-e-tar gayā koī

ye kah ke yaad kareñge 'hafīz' dost mujhe

wafā kī rasm ko pāinda kar gayā koī