kya hosh-ruba hain teri aankhon ke pyale
kyā hosh-rubā haiñ tirī āñkhoñ ke pyāle
saaqī maiñ chalā koī mujhe aa ke sambhāle
jaan us ko kahā karte haiñ jo dard ko paale
dil naam hai us kā jo taḌapne kā mazā le
vo kahte haiñ dil thaam le o dekhne vaale
maiñ kahtā huuñ dil aur use koī sambhāle
bal kar rahe haiñ aaj bahut ruḳh pe ye kaale
mantar bhī tujhe yaad hai au gesuoñ vaale
duniyā meñ pata sachchī mohabbat kā nahīñ ab
majnūñ kī qasam uTh ga.e sab chāhne vaale
maġhrūr bhī kaj-ḳhulq bhī jāhil bhī hai zāhid
karatā huuñ ise us kī tabī.at ke havāle
kahte ho ki rauñdeñge na ham ḳhirman-e-hastī
ye kahne kī hai baat zarā paañv sambhāle
rakhā huā hai sāmne pushtāra-e-ulfat
maidān meñ charḳh aa.e sakat ho to uThā le
quvvat hai tire hukm meñ ai qādir-e-mutlaq
chīñTī ko kahe tū to falak sar pe uThā le
bulbul tirā ghar dekh liyā barq-e-tapāñ ne
is shāḳh se ab apnā nasheman to uThā le
miltī huī hai tujh se bahut merī tabī.at
andāz na.e mere tire Dhañg nirāle
nāzuk haiñ vo ruḳhsār to āñkhoñ se haiñ pinhāñ
Darte haiñ nigāhoñ kā koī bojh na Daale
achchhā huā dil de diyā tum ne kisī but ko
'akbar' tumheñ paḌ jā.eñge ab jaan ke laale
kya hosh-ruba hain teri aankhon ke pyale
saqi main chala koi mujhe aa ke sambhaale
jaan us ko kaha karte hain jo dard ko pale
dil nam hai us ka jo taDapne ka maza le
wo kahte hain dil tham le o dekhne wale
main kahta hun dil aur use koi sambhaale
bal kar rahe hain aaj bahut ruKH pe ye kale
mantar bhi tujhe yaad hai au gesuon wale
duniya mein pata sachchi mohabbat ka nahin ab
majnun ki qasam uTh gae sab chahne wale
maghrur bhi kaj-KHulq bhi jahil bhi hai zahid
karata hun ise us ki tabiat ke hawale
kahte ho ki raundenge na hum KHirman-e-hasti
ye kahne ki hai baat zara panw sambhaale
rakha hua hai samne pushtara-e-ulfat
maidan mein charKH aae sakat ho to uTha le
quwwat hai tere hukm mein ai qadir-e-mutlaq
chinTi ko kahe tu to falak sar pe uTha le
bulbul tera ghar dekh liya barq-e-tapan ne
is shaKH se ab apna nasheman to uTha le
milti hui hai tujh se bahut meri tabiat
andaz nae mere tere Dhang nirale
nazuk hain wo ruKHsar to aankhon se hain pinhan
Darte hain nigahon ka koi bojh na Dale
achchha hua dil de diya tum ne kisi but ko
'akbar' tumhein paD jaenge ab jaan ke lale
- Book : Jazbat-e-Akbar (Pg. 192)
- Author :Shah Akbar Danapuri
- Publication : Agra Akhbar Press, Agra (1915)
- Edition : First
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.