Font by Mehr Nastaliq Web
Sufinama

kya jaane kis ki ghat mein nikla kasa hua

Shah Niyaz Ahmad Barelvi

kya jaane kis ki ghat mein nikla kasa hua

Shah Niyaz Ahmad Barelvi

kyā jaane kis ghaat meñ niklā kasā huā

vo shoḳh haath qatl jahāñ par rasā huā

apnā to mulk dil hai kabhī se ujaḌ gayā

lekin charāġh-e-dāġh se kuchh hai basā huā

dil ḳhāna-e-ḳhudā hai sanam is ko mat girā

mumkin nahīñ jo phir base ye ghar girā huā

hargiz na aa.ī mehr tujhe mere haal par

har chand āh-o-nāla ba-sub.h-o-masā huā

hotā hai koī ḳhanda-e-gul se shagufta dil

us ġhuncha-e-lab ko dekhā hai jis ne hañsā huā

ai murġh-e-dil ukhaḌ ga.e jab bāl-o-par mire

kah kyā karegā daam se chhuT kar phañsā huā

phūlā nahīñ samātā hai jaame meñ apne phuul

us meñ pairahan apnā basā huā

baiThā nahīñ hai aisā mire dil meñ dard-o-ġham

bin liye jo nikle ye kāfir dhañsā huā

maarā tumhārī zulf hargiz na bach sake

sau baar bach rahā jo ye af’ī Dasā huā

huuñ maiñ 'niyāz'-mañd janāb-e-amīr

is vāste maiñ sāhib-e-fikr-e-rasā huā

sun-sun ke shor-e-'ishq ke hālāt ai 'niyāz'

Dar-Dar ke dil baġhal meñ hai jaatā dhañsā huā

kya jaane kis ki ghat mein nikla kasa hua

wo shoKH hath qatl jahan par rasa hua

apna to mulk dil hai kabhi se ujaD gaya

lekin charagh-e-dagh se kuchh hai basa hua

dil KHana-e-KHuda hai sanam is ko mat gira

mumkin nahin jo phir base ye ghar gira hua

hargiz na aai mehr tujhe mere haal par

har chand aah-o-nala ba-subh-o-masa hua

hota hai koi KHanda-e-gul se shagufta dil

us ghuncha-e-lab ko dekha hai jis ne hansa hua

ai murgh-e-dil ukhaD gae jab baal-o-par mere

kah kya karega dam se chhuT kar phansa hua

phula nahin samata hai jame mein apne phul

ya us ki bu mein pairahan apna basa hua

baiTha nahin hai aisa mere dil mein dard-o-gham

bin ji liye jo nikle ye kafir dhansa hua

mara tumhaari zulf ka hargiz na bach sake

sau bar bach raha jo ye af’i Dasa hua

hun main 'niyaz'-mand janab-e-amir ka

is waste main sahib-e-fikr-e-rasa hua

sun-sun ke shor-e-'ishq ke haalat ai 'niyaz'

Dar-Dar ke dil baghal mein hai jata dhansa hua

0
COMMENTS
VIEW COMMENTS VIEW COMMENTS

Additional information available

Click on the INTERESTING button to view additional information associated with this sher.

OKAY

About this sher

Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

Close

rare Unpublished content

This ghazal contains ashaar not published in the public domain. These are marked by a red line on the left.

OKAY
Speak Now