kya tu bhi tamasha hai ai jalwa-e-jaanana

kyā tū bhī tamāsha hai ai jalva-e-jānāna

parda meñ to tū ḳhud hai aur ḳhalq hai dīvāna

idrāk se bar tire hai a.alam mutahayyar hai

tū kaun hai kyā shai hai hairān hai farzāna

jaañ dāda-e-ulfat huuñ vābasta-e-gesū huuñ

vārafta huuñ be-ḳhud huuñ dīvāna huuñ dīvāna

dil meñ hai talab terī sar meñ hai tirā saudā

āñkhoñ meñ mare tū hai mastāna huuñ mastāna

suufī ho barahman ho yā rind-e-ḳharābātī

ka.aba ho kalīsā ho ho shahar ki vīrāna

tū sab kī zabāñ par hai jalvā hai tirā har-jā

sab khel haiñ ye tere ai jalva-e-jānāna

is mashrab-e-ḳhasta kī bas itnī tamannā hai

apne se shanāsā kar aġhyār se begāna

kya tu bhi tamasha hai ai jalwa-e-jaanana

parda mein to tu KHud hai aur KHalq hai diwana

idrak se bar tere hai aalam mutahayyar hai

tu kaun hai kya shai hai hairan hai farzana

jaan dada-e-ulfat hun wabasta-e-gesu hun

warafta hun be-KHud hun diwana hun diwana

dil mein hai talab teri sar mein hai tera sauda

aankhon mein mare tu hai mastana hun mastana

sufi ho barahman ho ya rind-e-KHarabaati

kaba ho kalisa ho ho shahar ki virana

tu sab ki zaban par hai jalwa hai tera har-ja

sab khel hain ye tere ai jalwa-e-jaanana

is mashrab-e-KHasta ki bas itni tamanna hai

apne se shanasa kar aghyar se begana