māil-ba-karam mujh par ho jaeñ to achchhā ho

mā.il-ba-karam mujh par ho jaa.eñ to achchhā ho

maqbūl mire sajde ho jaa.eñ to achchhā ho

is dasht-navardī se pīchhā to kahīñ chhūTe

ham kūcha-e-jānāñ meñ mar jaa.eñ to achchhā ho

sar ho dar-e-jānāñ pe dam apnā nikal jaa.e

ye kaam mohabbat meñ kar jaa.eñ to achchhā ho

yuuñ to sabhī aa.e haiñ dafnāne mujhe lekin

vo bhī mirī mayyat pe aa jaa.eñ to achchhā ho

phir dard-e-judā.ī kā jhagḌā na rahe koī

ham naam tirā le kar mar jaa.eñ to achchhā ho

dekheñ na kisī ko ham phir dekh ke ruḳh terā

dīdār tirā kar ke mar jaa.eñ to achchhā ho

rah jaa.e mohabbat kā duniyā meñ bharam kuchh to

do phuul hī turbat pe dhar jaa.eñ to achchhā ho

dhaḌkā lagā rahtā hai har vaqt balāoñ kā

ham saath nasheman ke jal jaa.eñ to achchhā ho

badnām hī karne ko aa.eñ vo magar aa.eñ

vo itnā karam mujh par kar jaa.eñ to achchhā ho

jā sakte haiñ jaane ko ham chal ke 'fanā' dekheñ

vo ḳhud hameñ mahfil meñ bulvā.eñ to achchhā ho

māil-ba-karam mujh par ho jaeñ to achchhā ho

maqbūl mere sajde ho jaeñ to achchhā ho

is dasht-nawardī se pīchhā to kahīñ chhūTe

hum kūcha-e-jānāñ meñ mar jaeñ to achchhā ho

sar ho dar-e-jānāñ pe dam apnā nikal jae

ye kaam mohabbat meñ kar jaeñ to achchhā ho

yuñ to sabhī aae haiñ dafnāne mujhe lekin

wo bhī mirī mayyat pe aa jaeñ to achchhā ho

phir dard-e-judāī kā jhagḌā na rahe koī

hum nam tirā le kar mar jaeñ to achchhā ho

dekheñ na kisī ko hum phir dekh ke ruḳh terā

dīdār tirā kar ke mar jaeñ to achchhā ho

rah jae mohabbat kā duniyā meñ bharam kuchh to

do phul hī turbat pe dhar jaeñ to achchhā ho

dhaḌkā lagā rahtā hai har waqt balāoñ kā

hum sath nasheman ke jal jaeñ to achchhā ho

badnām hī karne ko aaeñ wo magar aaeñ

wo itnā karam mujh par kar jaeñ to achchhā ho

jā sakte haiñ jaane ko hum chal ke 'fanā' dekheñ

wo ḳhud hameñ mahfil meñ bulwāeñ to achchhā ho