hai ishq ki nazron mein be-shak wahi farzana

hai ishq kī nazroñ meñ be-shak vahī farzāna

duniyā-e-mohabbat meñ kahlā.e jo dīvāna

huuñ rind-e-ḳharābātī mashrab mirā rindāna

but-ḳhāna ho yā ka.aba har ik mirā mai-ḳhāna

vo ek hī mālik hai in donoñ makānoñ kā

ka.aba bhī usī kā hai jis kā hai sanam-ḳhāna

kuchh lutf uThā zāhid rindī kā mazā bhī chakh

ik haath meñ sahbā ho ik haath meñ paimāna

donoñ kī kashish se maiñ sākit huuñ jahāñ par huuñ

ruḳh hai taraf-e-ka.aba dil jānib-e-mai-ḳhāna

ushshāq munāsib hai lo chal ke sabaq us se

tum se kahīñ behtar hai dil soḳhta parvāna

paayā hai laqab achchhā vallāh mubārak ho

kahte haiñ 'nadīm' ab to sab aap ko dīvāna

hai ishq ki nazron mein be-shak wahi farzana

duniya-e-mohabbat mein kahlae jo diwana

hun rind-e-KHarabaati mashrab mera rindana

but-KHana ho ya kaba har ek mera mai-KHana

wo ek hi malik hai in donon makanon ka

kaba bhi usi ka hai jis ka hai sanam-KHana

kuchh lutf uTha zahid rindi ka maza bhi chakh

ek hath mein sahba ho ek hath mein paimana

donon ki kashish se main sakit hun jahan par hun

ruKH hai taraf-e-kaba dil jaanib-e-mai-KHana

ushshaq munasib hai lo chal ke sabaq us se

tum se kahin behtar hai dil soKHta parwana

paya hai laqab achchha wallah mubarak ho

kahte hain 'nadim' ab to sab aap ko diwana