koi surat mein ho main ta hadd-e-imkan dekh leta hun

koī sūrat meñ ho maiñ tā hadd-e-imkāñ dekh letā huuñ

ayaañ to phir ayaañ hai husn-e-pinhāñ dekh letā huuñ

na jaane kyuuñ khaTak jaatā hai ḳhār-e-ġham mire dil meñ

adū ko jab chaman meñ gul-badāmāñ dekh letā huuñ

jhalak merī gunahgārī meñ bhī hai pārsā.ī kī

maiñ rahmat kī taraf ai zauq isyāñ dekh letā huuñ

merī āshufta haalī ko nahīñ kuchh nahīñ niiñd kī hājat

maiñ bedārī meñ bhī ḳhvāb-e-pareshāñ dekh letā huuñ

ḳhudā rakhe salāmat jazba-e-shauq-e-junūñ tujh ko

ki tere faiz se koh-o-bayābāñ dekh letā huuñ

nazar haT kar zamāne se karam par tere jaatī hai

agar ḳhālī kabhī maiñ apnā dāmāñ dekh letā huuñ

baḌhātā huuñ usī se rāh-e-rasm-o-āshnā.ī bhī

maiñ ai 'mahfūz' jis insāñ ko insāñ dekh letā huuñ

koi surat mein ho main ta hadd-e-imkan dekh leta hun

ayan to phir ayan hai husn-e-pinhan dekh leta hun

na jaane kyun khaTak jata hai KHar-e-gham mere dil mein

adu ko jab chaman mein gul-badaman dekh leta hun

jhalak meri gunahgari mein bhi hai parsai ki

main rahmat ki taraf ai zauq isyan dekh leta hun

meri aashufta haali ko nahin kuchh nahin nind ki hajat

main bedari mein bhi KHwab-e-pareshan dekh leta hun

KHuda rakhe salamat jazba-e-shauq-e-junun tujh ko

ki tere faiz se koh-o-bayaban dekh leta hun

nazar haT kar zamane se karam par tere jati hai

agar KHali kabhi main apna daman dekh leta hun

baDhata hun usi se rah-e-rasm-o-ashnai bhi

main ai 'mahfuz' jis insan ko insan dekh leta hun