bad-gumani asar-andaz jahan hoti hai

bad-gumānī asar-andāz jahāñ hotī hai

baat halkī bhī tabī.at pe garāñ hotī hai

rañj daurāñ se farsūda ho tabī.at jis kī

har bahār us kī nigāhoñ meñ ḳhizāñ hotī hai

vo tamannā nahīñ hotī hai rahīn-e-pīrī

jo āġhosh-e-mohabbat meñ javāñ hotī hai

zauq-e-sajda koī ḳhāsān-e-ḳhudā se pūchhe

dil taḌap uThtā hai jis vaqt azaañ hotī hai

aish yā rañj kī manzil ho ye ruktī nahīñ

aisī raftār se kuchh umr-e-ravāñ hotī hai

kuchh nahīñ roz-e-qiyāmat se shab-e-ġham 'mahfūz'

hashr hotā hai ye mehmān jahāñ hotā hai

bad-gumani asar-andaz jahan hoti hai

baat halki bhi tabiat pe garan hoti hai

ranj dauran se farsuda ho tabiat jis ki

har bahaar us ki nigahon mein KHizan hoti hai

wo tamanna nahin hoti hai rahin-e-piri

jo aaghosh-e-mohabbat mein jawan hoti hai

zauq-e-sajda koi KHasan-e-KHuda se puchhe

dil taDap uThta hai jis waqt azan hoti hai

aish ya ranj ki manzil ho ye rukti nahin

aisi raftar se kuchh umr-e-rawan hoti hai

kuchh nahin roz-e-qiyamat se shab-e-gham 'mahfuz'

hashr hota hai ye mehman jahan hota hai