بد گمانی اثر انداز جہاں ہوتی ہے

بد گمانی اثر انداز جہاں ہوتی ہے

بات ہلکی بھی طبیعت پہ گراں ہوتی ہے

رنج دوراں سے فرسودہ ہو طبیعت جس کی

ہر بہار اس کی نگاہوں میں خزاں ہوتی ہے

وہ تمنا نہیں ہوتی ہے رہین پیری

جو آغوش محبت میں جواں ہوتی ہے

ذوق سجدہ کوئی خاصان خدا سے پوچھے

دل تڑپ اٹھتا ہے جس وقت اذاں ہوتی ہے

عیش یا رنج کی منزل ہو یہ رکتی نہیں

ایسی رفتار سے کچھ عمر رواں ہوتی ہے

کچھ نہیں روز قیامت سے شب غم محفوظؔ

حشر ہوتا ہے یہ مہمان جہاں ہوتا ہے