jamal-e-nur-e-rahman par ghazal kahna ibaadat hai

jamāl-e-nūr-e-rahmāñ par ġhazal kahnā 'ibādat hai

vo ḳhilqat ke nigahbāñ par ġhazal kahnā 'ibādat hai

rasūl-e-pāk jin kī mezbānī ḳhud ḳhudā ne kī

ḳhudā ke pyāre mehmāñ par ġhazal kahnā 'ibādat hai

jise qur.ān meñ allāh ḳhud mahbūb kahtā hai

usī yāsīn-e-sub.hāñ par ġhazal kahnā 'ibādat hai

karam se jin ke duniyā ke har ik dukh-dard miTte haiñ

masīhā-e-ġharībāñ par ġhazal kahnā 'ibādat hai

muqābil jin ke zālim aur jābir Tik nahīñ paa.e

'arab ke shāh-e-mardāñ par ġhazal kahnā 'ibādat hai

vo husn-e-mustafā ahmad ḳhudā ko sab se pyārā hai

jamāl-e-rū-e-jānāñ par ġhazal kahnā 'ibādat hai

jamal-e-nur-e-rahman par ghazal kahna 'ibaadat hai

wo KHilqat ke nigahban par ghazal kahna 'ibaadat hai

rasul-e-pak jin ki mezbani KHud KHuda ne ki

KHuda ke pyare mehman par ghazal kahna 'ibaadat hai

jise quran mein allah KHud mahbub kahta hai

usi yasin-e-subhan par ghazal kahna 'ibaadat hai

karam se jin ke duniya ke har ek dukh-dard miTte hain

masiha-e-ghariban par ghazal kahna 'ibaadat hai

muqabil jin ke zalim aur jabir Tik nahin pae

'arab ke shah-e-mardan par ghazal kahna 'ibaadat hai

wo husn-e-mustafa ahmad KHuda ko sab se pyara hai

jamal-e-ru-e-jaanan par ghazal kahna 'ibaadat hai