mujhko agar mili na duniya ki baadshahi

mujh ko agar milī na duniyā kī bādshāhī

muzmar hai us meñ shāyad kuchh hikmat-e-ilāhī

nān-e-javīñ jo khāte aabā kī shaan rakhte

barbād ho ga.e ham khā-khā ke murġh-o-māhī

vāris huuñ us nabī kā jo dil kī saltanat par

karte haiñ raaj sab par be-teġh be-sipāhī

raushan zamīr vaale sab uTh ga.e jahāñ se

baaqī jo bach ga.e haiñ lahv-o-la'ab ke raahī

māñgo gunah kī baḳhshish ab giḌgiḌā ke 'ālam'

dhote haiñ ḳhuuñ ke aañsū sab qalb kī syāhī

hai 'ishq kī ye vaadī dushvār rāsta hai

sambhle to bāġh-o-bulbul phisle to phir tabāhī

'mahmūd' is jahāñ meñ koī nahīñ hai apnā

jhūTe haiñ sab ke vā'de jhūTī hai ḳhair-ḳhvāhī

'ālam' rahe haiñ tanhā har bhiiḌ meñ akele

ash'ār de rahe haiñ is baat kī gavāhī

mujh ko agar mili na duniya ki baadshahi

muzmar hai us mein shayad kuchh hikmat-e-ilahi

nan-e-jawin jo khate aaba ki shan rakhte

barbaad ho gae hum kha-kha ke murgh-o-mahi

waris hun us nabi ka jo dil ki saltanat par

karte hain raj sab par be-tegh be-sipahi

raushan zamir wale sab uTh gae jahan se

baqi jo bach gae hain lahw-o-la'ab ke rahi

mango gunah ki baKHshish ab giDgiDa ke 'alam'

dhote hain KHun ke aansu sab qalb ki syahi

hai 'ishq ki ye wadi dushwar rasta hai

sambhle to bagh-o-bulbul phisle to phir tabahi

'mahmud' is jahan mein koi nahin hai apna

jhuTe hain sab ke wa'de jhuTi hai KHair-KHwahi

'alam' rahe hain tanha har bhiD mein akele

ash'ar de rahe hain is baat ki gawahi