silsila kyun arsh tak pahunche na meri aah ka

silsila kyuuñ arsh tak pahuñche na merī aah kā

sabt lauh-e-dil pe mere naqsh hai allāh kā

ba.ad murdan yaad maiñ us kī ḳhushā apnā uruuj

bas ki jism-e-zār apnā hai ġhubār us raah kā

saf.ha-e-dil par mire vahdat kī us kī mohr hai

daaġh vo rakhtī ho jis se hai ḳhajil ruḳh maah kā

partav-e-tauhīd se hū kā samāñ hai aañkh meñ

saf.ha-e-qalb-e-hazīñ hai naqsh us dargāh kā

kyuuñ na mahmūda hoñ saare marhale tai ḳhair se

mujh ko vird allāh kā hai shuġhl bismillāh kā

silsila kyun arsh tak pahunche na meri aah ka

sabt lauh-e-dil pe mere naqsh hai allah ka

baad murdan yaad main us ki KHusha apna uruj

bas ki jism-e-zar apna hai ghubar us rah ka

safha-e-dil par mere wahdat ki us ki mohr hai

dagh wo rakhti ho jis se hai KHajil ruKH mah ka

partaw-e-tauhid se hu ka saman hai aankh mein

safha-e-qalb-e-hazin hai naqsh us dargah ka

kyun na mahmuda hon sare marhale tai KHair se

mujh ko wird allah ka hai shughl bismillah ka