pa-ba-jaulan arsa-e-sarw-o-saba mein aae hain

pā-ba-jaulāñ 'arsa-e-sarv-o-sabā meñ aa.e haiñ

ham bhī kuchh naġhme liye shahr-e-navā meñ aa.e haiñ

ham ḳhas-o-ḳhāshāk-e-āvāra guzargāhoñ kā bojh

raqs karne tere kūche kī havā meñ aa.e haiñ

ye fishār-e-gard-o-zulmat ye ḳharosh-e-abr-o-bād

aap hī kā dil hai milne is fazā meñ aa.e haiñ

tujh se mil kar sab se ab dāman chhuḌā leñge magar

saath jin kāñToñ ke ham rāh-e-vafā meñ aa.e haiñ

sharm ke kuchh phuul le kar kuchh nadāmat ke guhar

tere parvarda tirī daulat-sarā meñ aa.e haiñ

ab tak āñkhoñ kī namī kā silsila TuuTā nahīñ

kuchh ġhubār aise hī jī par ibtidā meñ aa.e haiñ

aaj hī dekhe the armānoñ ke ḳhvāb aur aaj hī

kuchh na.e halqe nazar zanjīr-e-pā meñ aa.e haiñ

pa-ba-jaulan 'arsa-e-sarw-o-saba mein aae hain

hum bhi kuchh naghme liye shahr-e-nawa mein aae hain

hum KHas-o-KHashak-e-awara guzargahon ka bojh

raqs karne tere kuche ki hawa mein aae hain

ye fishaar-e-gard-o-zulmat ye KHarosh-e-abr-o-baad

aap hi ka dil hai milne is faza mein aae hain

tujh se mil kar sab se ab daman chhuDa lenge magar

sath jin kanTon ke hum rah-e-wafa mein aae hain

sharm ke kuchh phul le kar kuchh nadamat ke guhar

tere parwarda teri daulat-sara mein aae hain

ab tak aankhon ki nami ka silsila TuTa nahin

kuchh ghubar aise hi ji par ibtida mein aae hain

aaj hi dekhe the armanon ke KHwab aur aaj hi

kuchh nae halqe nazar zanjir-e-pa mein aae hain