mai rahe masti rahe gardish mein paimana rahe

mai rahe mastī rahe gardish meñ paimāna rahe

majma.a-e-rindāñ rahe aur pīr-e-mai-ḳhāna rahe

duur hue sharāb-o-shauq-o-sāqī mast-e-nāz

sadr-e-majlis ḳhud rahe aur josh-e-mastāna rahe

jubba-o-dastār rahn-e-mai rahe sāġhar-ba-kaf

mohtasib bhī mast ho hoshiyār dīvāna rahe

mai pilā aisī ki saaqī tere hī ruḳhsār kā

mahv-e-nazzāra rahūñ andāz-e-rindāna rahe

hai ḳharāb-e-bāda-e-sāqi 'kamālī' kī duā

hashr tak yā bul-hasan ābād mai-ḳhāna rahe

mai rahe masti rahe gardish mein paimana rahe

majma-e-rindan rahe aur pir-e-mai-KHana rahe

dur hue sharab-o-shauq-o-saqi mast-e-naz

sadr-e-majlis KHud rahe aur josh-e-mastana rahe

jubba-o-dastar rahn-e-mai rahe saghar-ba-kaf

mohtasib bhi mast ho hoshiyar diwana rahe

mai pila aisi ki saqi tere hi ruKHsar ka

mahw-e-nazzara rahun andaz-e-rindana rahe

hai KHarab-e-baada-e-saqi 'kamali' ki dua

hashr tak ya bul-hasan aabaad mai-KHana rahe