kaise kah dun ki koi zinat-e-aghosh na tha

kaise kah duuñ ki koī zīnat-e-āġhosh na thā

ik subūt us kā yahī hai ki mujhe hosh na thā

lazzat-e-dard ne duurī ko banāyā manzil

varna is kaif ke 'ālam vo rū-posh na thā

jaan denā hī thā maqsūd mohabbat meñ mujhe

aap samjhe ki mohabbat meñ mujhe hosh na thā

thā qiyāmat kā na honā bhī qiyāmat mujh ko

dil sitam-kosh thā jis dam vo sitam-kosh na thā

hujūm-e-vā'z meñ aur barsar-e-mimbar afsos

aaj masjid meñ magar ‘maikash’-e-mai-nosh na thā

kaise kah dun ki koi zinat-e-aghosh na tha

ek subut us ka yahi hai ki mujhe hosh na tha

lazzat-e-dard ne duri ko banaya manzil

warna is kaif ke 'alam wo ru-posh na tha

jaan dena hi tha maqsud mohabbat mein mujhe

aap samjhe ki mohabbat mein mujhe hosh na tha

tha qiyamat ka na hona bhi qiyamat mujh ko

dil sitam-kosh tha jis dam wo sitam-kosh na tha

hujum-e-wa'z mein aur barsar-e-mimbar afsos

aaj masjid mein magar ‘maikash’-e-mai-nosh na tha