main bhul gaya tujh mein mehrab-e-KHuda-KHana

maiñ bhuul gayā tujh meñ mehrāb-e-ḳhudā-ḳhāna

ai sajda-gah-e-a.alam ai abrū-e-jānāna

vo jalva-e-mastāna vo zulf pas-e-shāna

barbād kun-e-ka.aba ġhārat-gar-e-but-kHāna

paimānā kahāñ tak hai ai sāqi-e-mai-ḳhāna

ham ne to nahīñ paa.ī ab tak tah-e-paimāna

pahuñchā diyā saaqī ne pāyān-e-haqīqat tak

paimāna ba-paimāna mai-ḳhāna ba-mai-kHāna

tū husn ke jalvoñ par thā ḳhanda ba-zer-e-lab

ab thaam zarā dil ko ai zāhid-e-farzāna

tabdīl huā merī gul-gasht-e-fazā merī

ik ishq kā afsāna ik husn kā kāshāna

ik vajd Tapaktā hai har lafz-e-mohabbat se

hai sher-e-'nushūr' āḳhir kis husn kā afsāna

main bhul gaya tujh mein mehrab-e-KHuda-KHana

ai sajda-gah-e-alam ai abru-e-jaanana

wo jalwa-e-mastana wo zulf pas-e-shana

barbaad kun-e-kaba ghaarat-gar-e-but-kHana

paimana kahan tak hai ai saqi-e-mai-KHana

hum ne to nahin pai ab tak tah-e-paimana

pahuncha diya saqi ne payan-e-haqiqat tak

paimana ba-paimana mai-KHana ba-mai-kHana

tu husn ke jalwon par tha KHanda ba-zer-e-lab

ab tham zara dil ko ai zahid-e-farzana

tabdil hua meri gul-gasht-e-faza meri

ek ishq ka afsana ek husn ka kashana

ek wajd Tapakta hai har lafz-e-mohabbat se

hai sher-e-'nushur' aaKHir kis husn ka afsana