Font by Mehr Nastaliq Web

main wo koi hun jis ka KHudai mein nam hai

Shah Niyaz Ahmad Barelvi

main wo koi hun jis ka KHudai mein nam hai

Shah Niyaz Ahmad Barelvi

maiñ vo koī huuñ jis ḳhudā.ī meñ naam hai

kahte haiñ jis ko husn so mujh par tamām hai

'ālam meñ merī jalva-numā.ī har taraf

ġhauġhā hai ġhul hai shor hai aur dhūm-dhām hai

ḳhilqat ke kaan pur haiñ isī zikr se hue

har har zabān par yahī baat aur kalām hai

jis dil meñ dekhiye to hamārī chaah hai

jo aañkh hai so tak rahī ham ko mudām hai

har sar ke biich apnā saudā hai bhar rahā

apnī taḌap meñ resha-o-rag har kudām hai

dekhā hai jis ne husn hamārā ba-chashm-e-dil

ḳhūbān-e-is jahāñ se kab us ko kaam hai

hāzir hai bandagī meñ hamārī tamām ḳhalq

az 'arsh-tā-ba-farsh sab apnā ġhulām hai

rakhā hai ham se har koī rāz-o-'niyāz' shaiḳh

par ek 'niyāz' apnā mudār-ul-mahām hai

main wo koi hun jis ka KHudai mein nam hai

kahte hain jis ko husn so mujh par tamam hai

'alam mein meri jalwa-numai ka har taraf

ghaugha hai ghul hai shor hai aur dhum-dham hai

KHilqat ke kan pur hain isi zikr se hue

har har zaban par yahi baat aur kalam hai

jis dil mein dekhiye to hamari hi chah hai

jo aankh hai so tak rahi hum ko mudam hai

har sar ke bich apna hi sauda hai bhar raha

apni taDap mein resha-o-rag har kudam hai

dekha hai jis ne husn hamara ba-chashm-e-dil

KHuban-e-is jahan se kab us ko kaam hai

hazir hai bandagi mein hamari tamam KHalq

az 'arsh-ta-ba-farsh sab apna ghulam hai

rakha hai hum se har koi raaz-o-'niyaz' shaiKH

par ek 'niyaz' apna mudar-ul-maham hai

0
COMMENTS
VIEW COMMENTS VIEW COMMENTS

Additional information available

Click on the INTERESTING button to view additional information associated with this sher.

OKAY

About this sher

Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

Close

rare Unpublished content

This ghazal contains ashaar not published in the public domain. These are marked by a red line on the left.

OKAY
Speak Now