ye kaba se uTh kar sahab aa raha hai

ye ka.aba se uTh kar sahāb aa rahā hai

ki phir daur meñ inqalāb aa rahā hai

hadd-e-umr faanī hai ab ahd-e-pīrī

to kyuuñ yaad ahd-e-shabāb aa rahā hai

na kar mujh se mere gunāhoñ kī pursish

ki yaad hasratoñ kā hisāb aa rahā hai

haiñ tiflī hī kī shoḳhiyāñ hashr-ārā

qiyāmat kā fitna shabāb aa rahā hai

chaman kī havā hai ki zanjīr-e-pechāñ

jahān-e-junūñ par itaab aa rahā hai

havā se haiñ jumbish meñ phir un ke gesū

ruḳh-e-māh par phir sahāb aa rahā hai

ye kis shoḳh kī yaad aatī hai paiham

hai ruḳhsat sakūñ iztirāb aa rahā hai

'majīd' apnī hai sadd-e-rah rū-siyāhī

mujhe ka.aba jaate hijāb aa rahā hai

ye kaba se uTh kar sahab aa raha hai

ki phir daur mein inqalab aa raha hai

hadd-e-umr fani hai ab ahd-e-piri

to kyun yaad ahd-e-shabab aa raha hai

na kar mujh se mere gunahon ki pursish

ki yaad hasraton ka hisab aa raha hai

hain tifli hi ki shoKHiyan hashr-ara

qiyamat ka fitna shabab aa raha hai

chaman ki hawa hai ki zanjir-e-pechan

jahan-e-junun par itab aa raha hai

hawa se hain jumbish mein phir un ke gesu

ruKH-e-mah par phir sahab aa raha hai

ye kis shoKH ki yaad aati hai paiham

hai ruKHsat sakun iztirab aa raha hai

'majid' apni hai sadd-e-rah ru-siyahi

mujhe kaba jate hijab aa raha hai