nawik-e-nazuki choT khae

nāvik-e-nāzukī choT khaa.e

dil ko lutf-e-ḳhalish haath aa.e

fātiha ko takalluf se aa.e

ḳhāk-e-turbat se dāman bachā.e

barq jab tinkā tinkā jalā.e

koī kyuuñ āshiyāñ phir banā.e

sar jo sañg-e-dar-e-yār paa.e

sar phirā ho to ka.aba ko jaa.e

aaj saaqī kuchh aisī pilā.e

be-ḳhudī fikr-e-kaunain jaa.e

haañ tajallī bhī taab āzmā.e

hosh uḌiiñ yā mujhe hosh aa.e

tū nigāhoñ meñ jis kī samā.e

kyuuñ nazar azmat-e-ġhair aa.e

ābla-pā saḳhāvat pe aa.e

ḳhārzāroñ ko gulshan banā.e

āsiyoñ meñ ḳhushī ke haiñ naġhme

shāfe'-e-hshar tashrīf laa.e

shān-e-kasrat meñ jalva-numā.ī

husn-e-vahdat nazar se bachā.e

jur.at-e-shāna aur moshgāfī

maañg adam kā na rasta dikhā.e

umr-e-shabnam ba-hadd-e-safar thī

chashm-e-nargis na kyuuñ DabDabā.e

bal jo taqdīr the gesūoñ ke

merī qismat ke hisse meñ aa.e

ek a.alam ko hai ye tamannā

tāb-e-jalva hai to āzmā.e

kāTnā hai shab-e-hijr mushkil

be-sutūñ se jū-e-shīr laa.e

hai nasīm-e-sahar koī afsūñ

gul khile najm shab jhilmilā.e

ishq ke daaġh tum ne diye the

vo diye qabr meñ kaam aa.e

uThīñ ka.aba se kaalī ghaTā.eñ

bāda-kash kyuuñ na sāġhar chaḌhā.e

ai majīd ab numūd-e-sahar hai

kyuuñ duā se hai tū haath uThā.e

nawik-e-nazuki choT khae

dil ko lutf-e-KHalish hath aae

fatiha ko takalluf se aae

KHak-e-turbat se daman bachae

barq jab tinka tinka jalae

koi kyun aashiyan phir banae

sar jo sang-e-dar-e-yar pae

sar phira ho to kaba ko jae

aaj saqi kuchh aisi pilae

be-KHudi fikr-e-kaunain jae

han tajalli bhi tab aazmae

hosh uDin ya mujhe hosh aae

tu nigahon mein jis ki samae

kyun nazar azmat-e-ghair aae

aabla-pa saKHawat pe aae

KHarzaron ko gulshan banae

aasiyon mein KHushi ke hain naghme

shafe'-e-hshar tashrif lae

shan-e-kasrat mein jalwa-numai

husn-e-wahdat nazar se bachae

jurat-e-shana aur moshgafi

mang adam ka na rasta dikhae

umr-e-shabnam ba-hadd-e-safar thi

chashm-e-nargis na kyun DabDabae

bal jo taqdir the gesuon ke

meri qismat ke hisse mein aae

ek aalam ko hai ye tamanna

tab-e-jalwa hai to aazmae

kaTna hai shab-e-hijr mushkil

be-sutun se ju-e-shir lae

hai nasim-e-sahar koi afsun

gul khile najm shab jhilmilae

ishq ke dagh tum ne diye the

wo diye qabr mein kaam aae

uThin kaba se kali ghaTaen

baada-kash kyun na saghar chaDhae

ai majid ab numud-e-sahar hai

kyun dua se hai tu hath uThae