dekho sanam hamara kya KHub ban ke aaya

dekho sanam hamārā kyā ḳhuub ban ke aayā

aadam meñ aap aayā insān hī kahlāyā

sajda kiyā usī ko saarī malā.ika ne

qur.ān kī āyatoñ meñ mazkūr jis kā aayā

mā'shūq kī sifat ko kījiye bayāñ kahāñ tak

nairañgiyoñ se apnī kyā kyā hai rañg laayā

us shaah se mile haiñ shāh-e-jahāñ hue haiñ

is faqar kī badaulat kyā kyā maza uThāyā

bhaa.ī haiñ mere dil ko pyārī adā.eñ terī

jab se qadam pe tere maiñ ne hai sar jhukāyā

samjho zarā to yaaro tum shān-e-ahmadī ko

allāh kis tarah se har ghaT meñ hai samāyā

matlūb dil ke mere hāsil hue haiñ 'ḳhādim'

mahbūb ne hai jab se jalva hameñ dikhāyā

dekho sanam hamara kya KHub ban ke aaya

aadam mein aap aaya insan hi kahlaya

sajda kiya usi ko sari malaika ne

quran ki aayaton mein mazkur jis ka aaya

ma'shuq ki sifat ko kijiye bayan kahan tak

nairangiyon se apni kya kya hai rang laya

us shah se mile hain shah-e-jahan hue hain

is faqar ki badaulat kya kya maza uThaya

bhai hain mere dil ko pyari adaen teri

jab se qadam pe tere main ne hai sar jhukaya

samjho zara to yaro tum shan-e-ahmadi ko

allah kis tarah se har ghaT mein hai samaya

matlub dil ke mere hasil hue hain 'KHadim'

mahbub ne hai jab se jalwa hamein dikhaya