jab se tujhse ye dil-e-zar dil-azar laga

jab se tujh se ye dil-e-zār dil-āzār lagā

yaad meñ rahtā huuñ har dam tirī ai yaar lagā

duī yaksū hue jām-e-mai-e-vahdat saaqī

diyā tuune jo mire hoñTh se ik baar lagā

nāḳhudā tū hī mirī kashtī kā ai nūr-e-ḳhudā

bahā jaatā huuñ ḳhudā rā mujhe ab paar lagā

dīn-o-duniyā se mujhe kaam nahīñ hai hargiz

tujhe ai jaan jahāñ jab se sarokār lagā

nazar-e-fazl-o-karam se mujhe mahrūm na kar

huuñ ġhulāmī meñ tirī haidar-e-karrār lagā

terī hī shakl hai bas aaTh pahar pesh-e-nazar

dil ko rahtā hai tirā dhyān jo dildār lagā

maiñ huuñ ḳhādim tirī nigāh kā mere maḳhdūm

hal huā terī nigah se jo mujhe kaar lagā

jab se tujh se ye dil-e-zar dil-azar laga

yaad mein rahta hun har dam teri ai yar laga

dui yaksu hue jam-e-mai-e-wahdat saqi

diya tune jo mere honTh se ek bar laga

naKHuda tu hi meri kashti ka ai nur-e-KHuda

baha jata hun KHuda ra mujhe ab par laga

din-o-duniya se mujhe kaam nahin hai hargiz

tujhe ai jaan jahan jab se sarokar laga

nazar-e-fazl-o-karam se mujhe mahrūm na kar

hun ghulami mein teri haidar-e-karrar laga

teri hi shakl hai bas aaTh pahar pesh-e-nazar

dil ko rahta hai tera dhyan jo dildar laga

main hun KHadim teri nigah ka mere maKHdum

hal hua teri nigah se jo mujhe kar laga