ai dosto chashm ko khol zara dekho kaisa hai mah-e-laqa

ai dosto chashm ko khol zarā dekho kaisā hai māh-e-laqā

be-shak hai mohammad nūr-e-ḳhudā shu.bha na kar is meñ aslā

lā kar apne ta.iiñ il-lallāh sābit kar lo tab dekho maza

ham samjhe haiñ us ko ba-ḳhudā duniyā meñ nahīñ kuchh us ke sivā

vo chaar 'anāsir meñ hai chhupā ye ram kyā hai samjho to bhalā

āñkhoñ meñ hai din-rāt basā hai vo hī 'ayāñ dekho har jā

kahīñ kā'ba meñ jā kar shaiḳh banā kahīñ jā ke barahman dair huā

kahīñ ḳhāna-e-dil meñ maqām kiyā kahīñ apnā hī aadam naam kiyā

maḳhdūm safī 'ḳhādim' huuñ dargāh tirī maskan jo mirā

terī zulf kā thā mujh ko saudā achchhā huā jab tū mujh ko milā

ai dosto chashm ko khol zara dekho kaisa hai mah-e-laqa

be-shak hai mohammad nur-e-KHuda shubha na kar is mein asla

la kar apne tain il-lallah sabit kar lo tab dekho maza

hum samjhe hain us ko ba-KHuda duniya mein nahin kuchh us ke siwa

wo chaar 'anasir mein hai chhupa ye ram kya hai samjho to bhala

aankhon mein hai din-raat basa hai wo hi 'ayan dekho har ja

kahin ka'ba mein ja kar shaiKH bana kahin ja ke barahman dair hua

kahin KHana-e-dil mein maqam kiya kahin apna hi aadam nam kiya

maKHdum safi 'KHadim' hun dargah teri maskan jo mera

teri zulf ka tha mujh ko sauda achchha hua jab tu mujh ko mila