tu ne apna nur dikha diya mujhe mahtab bana diya

tū ne apnā nuur dikhā diyā mujhe māhtāb banā diyā

jise dekhnā hī muhāl thā so vo ek dam meñ bhulā diyā

usī nuur kā ye zuhūr hai ki muhāl jis kā hai dekhnā

jo ki aarzū mire dil meñ thī use kHuub tū ne dikhā diyā

khulā raaz mujh pe jo thā nihāñ are saaqī tere hī daur meñ

bhalā kaun sī ye sharāb thī ki jo jaam tuune pilā diyā

jo ek ramz hai dosto zarā chashm-e-ġhaur se dekh lo

ye zuhūr sab hai mohammadī ki jo ishaq hī ne dikhā diyā

karam apne piir kā kyā kahūñ maiñ to 'ḳhādim' un pe nisār huuñ

ki libās-e-faqr 'atā kiyā to ḳhudā se mujh ko milā diyā

tu ne apna nur dikha diya mujhe mahtab bana diya

jise dekhna hi muhaal tha so wo ek dam mein bhula diya

usi nur ka ye zuhur hai ki muhaal jis ka hai dekhna

jo ki aarzu mere dil mein thi use kHub tu ne dikha diya

khula raaz mujh pe jo tha nihan are saqi tere hi daur mein

bhala kaun si ye sharab thi ki jo jam tune pila diya

jo ek ramz hai dosto zara chashm-e-ghaur se dekh lo

ye zuhur sab hai mohammadi ki jo ishaq hi ne dikha diya

karam apne pir ka kya kahun main to 'KHadim' un pe nisar hun

ki libas-e-faqr 'ata kiya to KHuda se mujh ko mila diya