ai jaan-e-jahan dekh ke mastana wo raftar dil pis gaya mera

ai jān-e-jahāñ dekh ke mastāna vo raftār dil pis gayā merā

tū yūsuf-e-sānī hai mire haidar-e-karrār maqbūl ḳhudā kā

tīr-e-nigah-e-shoḳh tirā ai but-e-'ayyār siina se huā paar

bismil huā abrū se ġhazab kī hai ye talvār zaḳhmī huuñ sarāpā

mansūr ko haq kahne se nā-haq kiyā bardār par chup na huā yaar

jo 'āshiq-e-sādiq ki mirī baat pe har baar hargiz na Talegā

hai ātish-e-sozāñ ye nahīñ 'ishq hai zinhār allāh madad-gār

jo aan paḌā koī bhī us meñ kahīñ ik baar jal kar huā pakkā

'ḳhādim' kī ye hai 'arz ki ai sayyad-e-abrār tum ho mire sardār

hai jab se khulā mujh pe tire 'ishq kā isrār huuñ vāla-e-shaidā

ai jaan-e-jahan dekh ke mastana wo raftar dil pis gaya mera

tu yusuf-e-sani hai mere haidar-e-karrar maqbul KHuda ka

tir-e-nigah-e-shoKH tera ai but-e-'ayyar sina se hua par

bismil hua abru se ghazab ki hai ye talwar zaKHmi hun sarapa

mansur ko haq kahne se na-haq kiya bardar par chup na hua yar

jo 'ashiq-e-sadiq ki meri baat pe har bar hargiz na Talega

hai aatish-e-sozan ye nahin 'ishq hai zinhaar allah madad-gar

jo aan paDa koi bhi us mein kahin ek bar jal kar hua pakka

'KHadim' ki ye hai 'arz ki ai sayyad-e-abrar tum ho mere sardar

hai jab se khula mujh pe tere 'ishq ka israr hun wala-e-shaida