اے جان جہاں دیکھ کے مستانہ وہ رفتار دل پس گیا میرا

اے جان جہاں دیکھ کے مستانہ وہ رفتار دل پس گیا میرا

تو یوسف ثانی ہے مرے حیدر کرار مقبول خدا کا

تیر نگہ شوخ ترا اے بت عیار سینہ سے ہوا پار

بسمل ہوا ابرو سے غضب کی ہے یہ تلوار زخمی ہوں سراپا

منصور کو حق کہنے سے نا حق کیا بردار پر چپ نہ ہوا یار

جو عاشق صادق کہ مری بات پہ ہر بار ہرگز نہ ٹلے گا

ہے آتش سوزاں یہ نہیں عشق ہے زنہار اللہ مددگار

جو آن پڑا کوئی بھی اس میں کہیں اک بار جل کر ہوا پکا

خادمؔ کی یہ ہے عرض کہ اے سید ابرار تم ہو مرے سردار

ہے جب سے کھلا مجھ پہ ترے عشق کا اصرار ہوں والہ شیدا