hum aapi ko har ja ayan dekhte hain

ham aapī ko har jā 'ayāñ dekhte haiñ

jidhar dekhte haiñ jahāñ dekhte haiñ

kahīñ ādam-o-shīt-o-havvā hue ham

kahīñ mā'nī-e-ins-o-jāñ dekhte haiñ

kahīñ mustafā haiñ kahīñ murtazā haiñ

kahīñ aap ko jān-e-jāñ dekhte haiñ

kahīñ bādshāh hiiñ kahīñ ham gadā haiñ

kahīñ aap ko lā-makāñ dekhte haiñ

kahīñ ham haiñ ḳhādim kahīñ ham safī haiñ

kahīñ aap ko jalla-shāñ dekhte haiñ

hum aapi ko har ja 'ayan dekhte hain

jidhar dekhte hain jahan dekhte hain

kahin aadam-o-shit-o-hawwa hue hum

kahin ma'ni-e-ins-o-jaan dekhte hain

kahin mustafa hain kahin murtaza hain

kahin aap ko jaan-e-jaan dekhte hain

kahin baadshah hin kahin hum gada hain

kahin aap ko la-makan dekhte hain

kahin hum hain KHadim kahin hum safi hain

kahin aap ko jalla-shan dekhte hain