donon jahan mein yaro muKHtar hain to hum hain

donoñ jahāñ meñ yaaro muḳhtār haiñ to ham haiñ

sab 'āshiqoñ meñ saaqī sarshār haiñ to ham haiñ

dekhā samajh-samajh kar āḳhir pata milā ye

gar yaar haiñ to ham haiñ aġhyār haiñ to ham haiñ

saude kī merī har jā kyā kyā ye bikriyāñ haiñ

haiñ mushtarī to ham haiñ bāzār haiñ to ham haiñ

farhād aur shīrīñ ham se nahīñ judā haiñ

gar tesha haiñ to ham haiñ kohsār haiñ to ham haiñ

dard-o-davā hamīñ haiñ hāziq hakīm ham haiñ

bīmārī haiñ to ham haiñ bīmār haiñ to ham haiñ

'ālam jo haiñ to ham haiñ zāhir jo haiñ to ham haiñ

mansūr haiñ to ham haiñ aur daar haiñ to ham haiñ

logo sanam ko dekho 'ḳhādim' safī meñ zāhir

gar diid haiñ to ham haiñ dīdār haiñ to ham haiñ

donon jahan mein yaro muKHtar hain to hum hain

sab 'ashiqon mein saqi sarshaar hain to hum hain

dekha samajh-samajh kar aaKHir pata mila ye

gar yar hain to hum hain aghyar hain to hum hain

saude ki meri har ja kya kya ye bikriyan hain

hain mushtari to hum hain bazar hain to hum hain

farhad aur shirin hum se nahin juda hain

gar tesha hain to hum hain kohsar hain to hum hain

dard-o-dawa hamin hain haziq hakim hum hain

bimari hain to hum hain bimar hain to hum hain

'alam jo hain to hum hain zahir jo hain to hum hain

mansur hain to hum hain aur dar hain to hum hain

logo sanam ko dekho 'KHadim' safi mein zahir

gar did hain to hum hain didar hain to hum hain