hamin surat hain hamin did hain jaanan hain hamin

hamīñ sūrat haiñ hamīñ diid haiñ jānāñ haiñ hamīñ

hamīñ 'āshiq hamīñ mā'shūq haiñ 'irfāñ haiñ hamīñ

zāhidā haal mirā dekh ke hairāñ tū na ho

maz.hab-e-zohd hamīñ mashrab-e-rindāñ haiñ hamīñ

ham ko bas apne sivā kuchh nazar aatā hī nahīñ

ādam-o-shīs hamīñ hazrat-e-insāñ haiñ hamīñ

būjhe ye ramz vahī jo ki haqīqat samjhe

vā'iz-e-pīr-e-muġhāñ hāfiz-e-qur.āñ haiñ hamīñ

kyā kare hamd-o-sifat us ke sivā ab 'ḳhādim'

hamīñ ahmad haiñ hamīñ yūsuf-e-kan.āñ haiñ hamīñ

hamin surat hain hamin did hain jaanan hain hamin

hamin 'ashiq hamin ma'shuq hain 'irfan hain hamin

zahida haal mera dekh ke hairan tu na ho

mazhab-e-zohd hamin mashrab-e-rindan hain hamin

hum ko bas apne siwa kuchh nazar aata hi nahin

aadam-o-shis hamin hazrat-e-insan hain hamin

bujhe ye ramz wahi jo ki haqiqat samjhe

wa'iz-e-pir-e-mughan hafiz-e-quran hain hamin

kya kare hamd-o-sifat us ke siwa ab 'KHadim'

hamin ahmad hain hamin yusuf-e-kanan hain hamin