saqi teri nigah se kya kya maze uThae

saaqī tirī nigah se kyā kyā maze uThā.e

sarshār ho rahā huuñ bin jām-e-mai pilā.e

ham mast haiñ daras ke 'āshiq haiñ tirī jānāñ

har shai meñ tum ko dekhā kyā ḳhuub ho samā.e

sūrat se āshnā huuñ sīrat meñ maiñ fanā huuñ

parda uThā ke dekhā tum hī nazar meñ aa.e

rahtī hai diid ham ko din-rāt ab sanam kī

us but ko apnī yaaro kab tak rahūñ chhupā.e

parvāna kī tarah se apne ta.iiñ jalāyā

mānind-e-sham.a jaise 'ḳhādim' safī bin aa.e

saqi teri nigah se kya kya maze uThae

sarshaar ho raha hun bin jam-e-mai pilae

hum mast hain daras ke 'ashiq hain teri jaanan

har shai mein tum ko dekha kya KHub ho samae

surat se aashna hun sirat mein main fana hun

parda uTha ke dekha tum hi nazar mein aae

rahti hai did hum ko din-raat ab sanam ki

us but ko apni yaro kab tak rahun chhupae

parwana ki tarah se apne tain jalaya

manind-e-shama jaise 'KHadim' safi bin aae