pi kar mai-e-mughan ko kya kya maze uThae

pī kar mai-e-muġhāñ ko kyā kyā maze uThā.e

us 'ishq kī badaulat insān ban ke aa.e

hamdam nadīm mahram merā vahī hai har dam

so tarh ke haiñ jalva jis ne hameñ dikhā.e

asrār-e-ahmadī ko kījiye bayāñ kahāñ tak

har rañg meñ hai yaaro apne ta.iiñ chhupā.e

'āshiq kā ye suḳhan hai samjho tum is ko logo

mā'shūq ke ham apne bande haiñ ab kahā.e

'ḳhādim' huuñ maiñ safī kā 'āshiq 'alī nabī kā

pūjūñ huuñ apnā kā'ba shor-o-fuġhāñ machā.e

pi kar mai-e-mughan ko kya kya maze uThae

us 'ishq ki badaulat insan ban ke aae

hamdam nadim mahram mera wahi hai har dam

so tarh ke hain jalwa jis ne hamein dikhae

asrar-e-ahmadi ko kijiye bayan kahan tak

har rang mein hai yaro apne tain chhupae

'ashiq ka ye suKHan hai samjho tum is ko logo

ma'shuq ke hum apne bande hain ab kahae

'KHadim' hun main safi ka 'ashiq 'ali nabi ka

pujun hun apna ka'ba shor-o-fughan machae