ishq ko har juz aur har kul mein dekha chahiye

'ishq ko har juz aur har kul meñ dekhā chāhiye

har shajar har barg aur har gul meñ dekhā chāhiye

ham to samjhe haiñ usī ko hai ye sab ahmad kā nuur

har chaman har baaġh har sumbul meñ dekhā chāhiye

ho gayā sābit qulūbil-mu.minīn 'arsh-e-ḳhudā

har chaman har zulf har kākul meñ dekhā chāhiye

kah ga.e ham kalimat-ul-haq ramz meñ tauhīd ke

har sadā har shor aur har ġhul meñ dekhā chāhiye

ham to 'ḳhādim' haiñ safī ke 'ishq hai apnā maqām

nāla-o-fariyād har bulbul meñ dekhā chāhiye

'ishq ko har juz aur har kul mein dekha chahiye

har shajar har barg aur har gul mein dekha chahiye

hum to samjhe hain usi ko hai ye sab ahmad ka nur

har chaman har bagh har sumbul mein dekha chahiye

ho gaya sabit qulubil-muminin 'arsh-e-KHuda

har chaman har zulf har kakul mein dekha chahiye

kah gae hum kalimat-ul-haq ramz mein tauhid ke

har sada har shor aur har ghul mein dekha chahiye

hum to 'KHadim' hain safi ke 'ishq hai apna maqam

nala-o-fariyaad har bulbul mein dekha chahiye