عشق کو ہر جز اور ہر کل میں دیکھا چاہیے

عشق کو ہر جز اور ہر کل میں دیکھا چاہیے

ہر شجر ہر برگ اور ہر گل میں دیکھا چاہیے

ہم تو سمجھے ہیں اسی کو ہے یہ سب احمد کا نور

ہر چمن ہر باغ ہر سنبل میں دیکھا چاہیے

ہو گیا ثابت قلوب المؤمنین عرش خدا

ہر چمن ہر زلف ہر کاکل میں دیکھا چاہیے

کہہ گئے ہم کلمۃ الحق رمز میں توحید کے

ہر صدا ہر شور اور ہر غل میں دیکھا چاہیے

ہم تو خادمؔ ہیں صفی کے عشق ہے اپنا مقام

نالہ و فریاد ہر بلبل میں دیکھا چاہیے