ruKHsar se kahti hai zulf-e-dota tu aur nahin main aur nahin

ruḳhsār se kahtī hai zulf-e-dotā tū aur nahīñ maiñ aur nahīñ

ek dam bhī nahīñ huuñ tujh se judā tū aur nahīñ maiñ aur nahīñ

jo pech meñ terī aa phañsā vo bhuul gayā sab chūñ-o-charā

har mū se nikaltī hai ab ye sadā tū aur nahīñ maiñ aur nahīñ

gar kufr hai to kāfir huuñ maiñ islām kā merī hai ye pata

yaksāñ hai haal merā terā tū aur nahīñ maiñ aur nahīñ

aabid hai tū ma.abūd hai tū hāmid hai tū hī mahmūd tū hī

maskan hai tirā dil-o-jāñ merā tū aur nahīñ maiñ aur nahīñ

gar diid hai tū dīdār huuñ maiñ bas aage kahe 'ḳhādim' ab kyā

jo kuchh maiñ kahūñ so hai vo bajā tū aur nahīñ maiñ aur nahīñ

ruKHsar se kahti hai zulf-e-dota tu aur nahin main aur nahin

ek dam bhi nahin hun tujh se juda tu aur nahin main aur nahin

jo pech mein teri aa phansa wo bhul gaya sab chun-o-chara

har mu se nikalti hai ab ye sada tu aur nahin main aur nahin

gar kufr hai to kafir hun main islam ka meri hai ye pata

yaksan hai haal mera tera tu aur nahin main aur nahin

aabid hai tu mabud hai tu hamid hai tu hi mahmud tu hi

maskan hai tera dil-o-jaan mera tu aur nahin main aur nahin

gar did hai tu didar hun main bas aage kahe 'KHadim' ab kya

jo kuchh main kahun so hai wo baja tu aur nahin main aur nahin