na dil se yaad jati hai na sauda sar se jata hai

na dil se yaad jaatī hai na saudā sar se jaatā hai

tumhār husn kā nāzir har ik manzar se jaatā hai

zarūr āl-e-nabī ke 'ishq kā mahrūm hī hogā

ye dekho kaun tishna-lab lab-e-kausar se jaatā hai

shahādat kī ghaḌī 'āshiq kī chashm-e-shauq ke aage

ruḳh-e-mahbūb kā jalva ruḳh-e-ḳhanjar se jaatā hai

vatan se bhī nikal kar kījiye kuchh diin kī ḳhidmat

vahī mushtaq huā karatā hai jo masdar se jaatā hai

'alī hoñ sāmne to phir ġhurūr-e-sarkashī fauran

kabhī marhab kabhī ’antar kabhī ḳhaibar se jaatā hai

nazar qurbān-e-taiba kah rahī hai ka.aba-e-dil se

ḳhudā ke ghar kā rasta mustafā ke ghar se jaatā hai

'farīdī' rabt taiba se rahe ulfat ke tāroñ kā

ki taara TuuT jaatā hai agar mehvar se jaatā hai

na dil se yaad jati hai na sauda sar se jata hai

tumhaar husn ka nazir har ek manzar se jata hai

zarur aal-e-nabi ke 'ishq ka mahrūm hi hoga

ye dekho kaun tishna-lab lab-e-kausar se jata hai

shahadat ki ghaDi 'ashiq ki chashm-e-shauq ke aage

ruKH-e-mahbub ka jalwa ruKH-e-KHanjar se jata hai

watan se bhi nikal kar kijiye kuchh din ki KHidmat

wahi mushtaq hua karata hai jo masdar se jata hai

'ali hon samne to phir ghurur-e-sarkashi fauran

kabhi marhab kabhi ’antar kabhi KHaibar se jata hai

nazar qurban-e-taiba kah rahi hai kaba-e-dil se

KHuda ke ghar ka rasta mustafa ke ghar se jata hai

'faridi' rabt taiba se rahe ulfat ke taron ka

ki tara TuT jata hai agar mehwar se jata hai