unhen rab ki ata kya hai na tum jaano na hum jaanen

unheñ rab kī 'atā kyā hai na tum jaano na ham jāneñ

maqām-e-mustafā kyā hai na tum jaano na ham jāneñ

sivā rab ke haqīqat un kī jab jaane nahīñ koī

ġhalat phir ye kahā kyā hai na tum jaano na ham jāneñ

yūñhī jalva kaaro tum bhī fidā hote raheñ ham bhī

adā kyā hai qazā kyā hai na tum jaano na ham jāneñ

sabhī ko hai ḳhabar hai muntahī jibrīl kā sidra

nabī kā muntahī kyā hai na tum jaano na ham jāneñ

jabīñ jibrīl talvoñ se maleñ jin ke jagāne ko

vaqār-e-mustafā kyā hai na tum jaano na ham jāneñ

ham sab hī jannatī as.hāb phir das ko bashārat kyuuñ

ye āḳhir mājrā kyā hai na tum jaano na ham jāneñ

'farīdī' aao dard-e-ulfat-e-jānāñ ko dil de deñ

du'ā kyā hai davā kyā hai na tum jaano na ham jāneñ

unhen rab ki 'ata kya hai na tum jaano na hum jaanen

maqam-e-mustafa kya hai na tum jaano na hum jaanen

siwa rab ke haqiqat un ki jab jaane nahin koi

ghalat phir ye kaha kya hai na tum jaano na hum jaanen

yunhi jalwa karo tum bhi fida hote rahen hum bhi

ada kya hai qaza kya hai na tum jaano na hum jaanen

sabhi ko hai KHabar hai muntahi jibril ka sidra

nabi ka muntahi kya hai na tum jaano na hum jaanen

jabin jibril talwon se malen jin ke jagane ko

waqar-e-mustafa kya hai na tum jaano na hum jaanen

hum sab hi jannati ashab phir das ko bashaarat kyun

ye aaKHir majra kya hai na tum jaano na hum jaanen

'faridi' aao dard-e-ulfat-e-jaanan ko dil de den

du'a kya hai dawa kya hai na tum jaano na hum jaanen