musaKHKHar kar chuka har ek mai-kash ko waqar apna

musaḳhḳhar kar chukā har ek mai-kash ko vaqār apnā

tirī mastī pe sabqat le gayā saaqī ḳhumār apnā

pas-e-murdan bhī baaqī hai vahī izz-o-vaqār apnā

havā ke dosh pe tafrīh karatā hai ġhubār apnā

ab us se baḌh ke apnī nek-nāmī aur kyā hogī

ki zikr-e-ḳhair us mahfil meñ aayā baar baar apnā

bahār aane to do ham dasht-e-vahshat ko navāzeñge

dikhā deñge tamāshā kar ke dāman tār-tār apnā

butoñ ko rose ham sajda kareñ ye ho nahīñ saktā

ḳhudā-e-vahdahū lāraib hai parvardigār apnā

rafīq aisā nazar aayā na koī aaj tak manzar

jo hotā ham-nashīñ apnā jo hotā ġham-gusār apnā

musaKHKHar kar chuka har ek mai-kash ko waqar apna

teri masti pe sabqat le gaya saqi KHumar apna

pas-e-murdan bhi baqi hai wahi izz-o-waqar apna

hawa ke dosh pe tafrih karata hai ghubar apna

ab us se baDh ke apni nek-nami aur kya hogi

ki zikr-e-KHair us mahfil mein aaya bar bar apna

bahaar aane to do hum dasht-e-wahshat ko nawazenge

dikha denge tamasha kar ke daman tar-tar apna

buton ko rose hum sajda karen ye ho nahin sakta

KHuda-e-wahdahu laraib hai parwardigar apna

rafiq aisa nazar aaya na koi aaj tak manzar

jo hota ham-nashin apna jo hota gham-gusar apna