kya fulan bech Dale gae

kyā fulāñ bech Daale ga.e

haañ jī haañ bech Daale ga.e

jo buzurgoñ kī mīrās thī

vo maqāl bech Daale ga.e

kuchh qabīle ke aa.iin the

nā-gahāñ bech Daale ga.e

vo ilāqa bhī apnoñ kā thā

ham jahāñ bech Daale ga.e

bijliyoñ ko ḳhabar hī nahīñ

āshiyāñ bech Daale ga.e

rat-jage niiñd aur ḳhvāb ke

darmiyāñ bech Daale ga.e

ai 'zafar' 'ishq kī raah meñ

jism-o-jāñ bech Daale ga.e

kya fulan bech Dale gae

han ji han bech Dale gae

jo buzurgon ki miras thi

wo maqal bech Dale gae

kuchh qabile ke aain the

na-gahan bech Dale gae

wo ilaqa bhi apnon ka tha

hum jahan bech Dale gae

bijliyon ko KHabar hi nahin

aashiyan bech Dale gae

rat-jage nind aur KHwab ke

darmiyan bech Dale gae

ai 'zafar' 'ishq ki rah mein

jism-o-jaan bech Dale gae