maqdur kya mujhe ki kahun wan ki yan rahe

maqdūr kyā mujhe ki kahūñ vaañ ki yaañ rahe

haiñ chashm-o-dil ghar us ke jahāñ chāhe vaañ rahe

misl-e-nigāh ghar se na bāhar rakhā qadam

phir aa.e har taraf ye jahāñ ke tahāñ rahe

ne but-kada se kaam na matlab haram se thā

mahv-e-ḳhayāl-e-yār rahe ham jahāñ rahe

jis ke ki ho naqāb se bāhar shuā-e-husn

vo rū-e-āftāb ḳhajil kab nihāñ rahe

aa.e to ho pa dil ko tasallī ho tab mire

itnā kaho ki aaj na jāveñge haañ rahe

hastī hī meñ hai sair-e-adam us ko yaañ jise

fikr-e-miyān-e-yār o ḳhayāl-e-dahāñ rahe

ġhībat hī meñ hai us kī hamārā zuhūr yaañ

vo jalva-gar jab aage huā ham kahāñ rahe

'bedār' zulf khīñche idhar chashm-e-yār udhar

hairāñ hai dil kahāñ na rahe kis ke haañ rahe

maqdur kya mujhe ki kahun wan ki yan rahe

hain chashm-o-dil ghar us ke jahan chahe wan rahe

misl-e-nigah ghar se na bahar rakha qadam

phir aae har taraf ye jahan ke tahan rahe

ne but-kada se kaam na matlab haram se tha

mahw-e-KHayal-e-yar rahe hum jahan rahe

jis ke ki ho naqab se bahar shua-e-husn

wo ru-e-aftab KHajil kab nihan rahe

aae to ho pa dil ko tasalli ho tab mere

itna kaho ki aaj na jawenge han rahe

hasti hi mein hai sair-e-adam us ko yan jise

fikr-e-miyan-e-yar o KHayal-e-dahan rahe

ghibat hi mein hai us ki hamara zuhur yan

wo jalwa-gar jab aage hua hum kahan rahe

'bedar' zulf khinche idhar chashm-e-yar udhar

hairan hai dil kahan na rahe kis ke han rahe