jilaya mar kar qatil ne main is qatl ke qurban

jilāyā maar kar qātil ne meñ is qatl ke qurbāñ

huā dāḳhil vo ḳhud mujh meñ maiñ aise daḳhl ke qurbāñ

sanam apne se shāġhil huuñ ki har-dam un se vāsil huuñ

vo vāsil mujh meñ haiñ un meñ maiñ aise vasl ke qurbāñ

is ahliyat ke maiñ sadqe ki nā-ahloñ ko ne.amat dī

banāyā ahl-e-dil jis ne maiñ aise ahl ke qurbāñ

miTā kar aql-e-nā-mahram aqīl-e-hosh-afzā ne

atā kī aql-e-haq-bīñ ab maiñ aisī aql ke qurbāñ

tumheñ apne meñ murshid ne dikhāyā sūrat-e-aslī

rahūñ 'mardāñ' use nigarāñ aur aise fazl ke qurbāñ

jilaya mar kar qatil ne mein is qatl ke qurban

hua daKHil wo KHud mujh mein main aise daKHl ke qurban

sanam apne se shaghil hun ki har-dam un se wasil hun

wo wasil mujh mein hain un mein main aise wasl ke qurban

is ahliyat ke main sadqe ki na-ahlon ko neamat di

banaya ahl-e-dil jis ne main aise ahl ke qurban

miTa kar aql-e-na-mahram aqil-e-hosh-afza ne

ata ki aql-e-haq-bin ab main aisi aql ke qurban

tumhein apne mein murshid ne dikhaya surat-e-asli

rahun 'mardan' use nigaran aur aise fazl ke qurban