tumhaari pyari adaen pyare hamare dil mein sama rahi hain

tumhārī pyārī adā.eñ pyāre hamāre dil meñ samā rahī haiñ

qadam se tā-sar jagah jagah par nirālā jalva dikhā rahī haiñ

suḳhan suḳhan par tumhāre pyārī hazār jānoñ se ham haiñ vaarī

ki pyārī pyārī tumhārī bāteñ hamāre jī ko lubhā rahī haiñ

nihāñ ho tum aur ayaañ tumhīñ ho ye jism zāhir ho jaañ tumhīñ ho

nahīñ huuñ maiñ kuchh ye sab tumhīñ ho rageñ hamārī ye gā rahī haiñ

na chāho jis ko tum apnā karnā vo laakh koshish kare hai nādāñ

navāzishoñ par tumhārī rahnā tamāmī jhagḌe miTā rahī haiñ

tumhārī ḳhūboñ par mere jānāñ hazār jānāñ se fidā hai 'mardāñ'

aur un adāoñ ke ham haiñ qurbāñ jo ham ko maulā banā rahī haiñ

tumhaari pyari adaen pyare hamare dil mein sama rahi hain

qadam se ta-sar jagah jagah par nirala jalwa dikha rahi hain

suKHan suKHan par tumhaare pyari hazar jaanon se hum hain wari

ki pyari pyari tumhaari baaten hamare ji ko lubha rahi hain

nihan ho tum aur ayan tumhin ho ye jism zahir ho jaan tumhin ho

nahin hun main kuchh ye sab tumhin ho ragen hamari ye ga rahi hain

na chaho jis ko tum apna karna wo lakh koshish kare hai nadan

nawazishon par tumhaari rahna tamami jhagDe miTa rahi hain

tumhaari KHubon par mere jaanan hazar jaanan se fida hai 'mardan'

aur un adaon ke hum hain qurban jo hum ko maula bana rahi hain