hai sharab-e-Ahmadi se josh par mai-KHana aaj

hai sharāb-e-ahmadī se josh par mai-ḳhāna aaj

chhoḌiyo mat sāqiyā ḳhālī koī paimāna aaj

āb-o-gil ke ḳhum meñ hai mere alastī hai bharī

kāñsa-e-sar meñ hai mere gardish-e-mastāna aaj

ham nahīñ hoshiyār kahte haiñ aqīl-e-dahr ko

hai vahī hoshiyār hai jo diid meñ dīvāna aaj

ātish-e-innī-anal-haq dam-ba-dam yaañ sho.ala-zan

kyuuñ na vahdat kā mere uble bhalā ḳhum-ḳhāna aaj

hai tapāk-e-ahl-e-duniyā ahl-e-haq kī rāhzan

hai yagāna haq kā hai jo ḳhalq se begāna aaj

haiñ sar-e-bāzār duniyā jo ḳharīdār-e-ḳhudā

naqd-e-sar dete haiñ jins-e-vasl ko bai.āna aaj

vasl kā va.ada jo 'mardāñ' kal kā hai vo aaj ho

sham.a-rū mil mil kar dekhe to koī parvāna aaj

hai sharab-e-ahmadi se josh par mai-KHana aaj

chhoDiyo mat saqiya KHali koi paimana aaj

aab-o-gil ke KHum mein hai mere alasti hai bhari

kansa-e-sar mein hai mere gardish-e-mastana aaj

hum nahin hoshiyar kahte hain aqil-e-dahr ko

hai wahi hoshiyar hai jo did mein diwana aaj

aatish-e-inni-anal-haq dam-ba-dam yan shoala-zan

kyun na wahdat ka mere uble bhala KHum-KHana aaj

hai tapak-e-ahl-e-duniya ahl-e-haq ki rahzan

hai yagana haq ka hai jo KHalq se begana aaj

hain sar-e-bazar duniya jo KHaridar-e-KHuda

naqd-e-sar dete hain jins-e-wasl ko baiana aaj

wasl ka wada jo 'mardan' kal ka hai wo aaj ho

shama-ru mil mil kar dekhe to koi parwana aaj