ہے شراب احمدی سے جوش پر مے خانہ آج

ہے شراب احمدی سے جوش پر مے خانہ آج

چھوڑیو مت ساقیا خالی کوئی پیمانہ آج

آب و گل کے خم میں ہے میرے الستی ہے بھری

کانسۂ سر میں ہے میرے گردش مستانہ آج

ہم نہیں ہوشیار کہتے ہیں عقیل دہر کو

ہے وہی ہوشیار ہے جو دید میں دیوانہ آج

آتش انی انا الحق دم بدم یاں شعلہ زن

کیوں نہ وحدت کا میرے ابلے بھلا خم خانہ آج

ہے تپاک اہل دنیا اہل حق کی راہزن

ہے یگانہ حق کا ہے جو خلق سے بیگانہ آج

ہیں سر بازار دنیا جو خریدار خدا

نقد سر دیتے ہیں جنس وصل کو بیعانہ آج

وصل کا وعدہ جو مرداںؔ کل کا ہے وہ آج ہو

شمع رو مل مل کر دیکھے تو کوئی پروانہ آج