main nahin wallah bilkul hun wahi jo kuchh ki hun

maiñ nahīñ vallāh bilkul huuñ vahī jo kuchh ki huuñ

sūrat-e-bulbul huuñ bilkul huuñ vahī jo kuchh ki huuñ

ādam-o-havvā huuñ meñ aur maz.har-e-har-kā.enāt

sāġhar-o-sāqī huuñ yā mul huuñ vahī jo kuchh ki huuñ

huuñ muhīt-e-har-do-ālam mahr huuñ zarre kī shakl

maz.har-e-har-juz huuñ yā kul huuñ vahī jo kuchh ki huuñ

pech-e-hastī se chhuTā jo pech meñ mere paḌā

sūrat-e-kākul huuñ sumbul huuñ vahī jo kuchh ki huuñ

rāz-e-tauhīd apnā 'mardān' mus.haf andar hai ayaañ

sūra-e-tāhā huuñ yā qul huuñ vahī jo kuchh ki huuñ

main nahin wallah bilkul hun wahi jo kuchh ki hun

surat-e-bulbul hun bilkul hun wahi jo kuchh ki hun

aadam-o-hawwa hun mein aur mazhar-e-har-kaenat

saghar-o-saqi hun ya mul hun wahi jo kuchh ki hun

hun muhit-e-har-do-alam mahr hun zarre ki shakl

mazhar-e-har-juz hun ya kul hun wahi jo kuchh ki hun

pech-e-hasti se chhuTa jo pech mein mere paDa

surat-e-kakul hun sumbul hun wahi jo kuchh ki hun

raaz-e-tauhid apna 'mardan' mushaf andar hai ayan

sura-e-taha hun ya qul hun wahi jo kuchh ki hun