kar lun apne mein tumhein ai jaan-e-jaanan to sahi

kar luuñ apne meñ tumheñ ai jān-e-jānāñ to sahī

dil tumhārā bilkul apnā kar duuñ yaksāñ to sahī

kab talak nazroñ se merī tum rahoge duur duur

putliyoñ meñ luuñ biThā ai mere jānāñ to sahī

maiñ rahūñ be-ḳhud tumheñ ho kār-farmā sab mire

chhoḌūñ apnā tum pe bilkul sāz-o-sāmāñ to sahī

tum ko luuñ aur luuñ tumhārī kul ravish tab kal paḌe

le ke baiThūñ jab tumhāre saare arakāñ to sahī

gird phir-phir kar tumhāre hasrat-e-dil luuñ nikāl

jab raheñ baaqī na dil ke koī armāñ to sahī

aane do us gul-badan ko mujh meñ puure husn se

andalīb-e-dil huuñ aalam mujh par nālāñ to sahī

husn-e-ālam-soz dekheñ gar tirā shams-o-qamar

gir paḌeñ ho kar ḳhajil qadmoñ par 'mardāñ' to sahī

kar lun apne mein tumhein ai jaan-e-jaanan to sahi

dil tumhaara bilkul apna kar dun yaksan to sahi

kab talak nazron se meri tum rahoge dur dur

putliyon mein lun biTha ai mere jaanan to sahi

main rahun be-KHud tumhein ho kar-farma sab mere

chhoDun apna tum pe bilkul saz-o-saman to sahi

tum ko lun aur lun tumhaari kul rawish tab kal paDe

le ke baiThun jab tumhaare sare arakan to sahi

gird phir-phir kar tumhaare hasrat-e-dil lun nikal

jab rahen baqi na dil ke koi arman to sahi

aane do us gul-badan ko mujh mein pure husn se

andalib-e-dil hun aalam mujh par nalan to sahi

husn-e-alam-soz dekhen gar tera shams-o-qamar

gir paDen ho kar KHajil qadmon par 'mardan' to sahi